Казан март бәйрәмнәрендә сәяхәт итү өчен Россиянең иң популяр өч шәһәре исемлегенә керде

Татарстан башкаласында туристлар уртача өч төнгә торак броньлыйлар һәм тәүлегенә 3,1 мең сум түлиләр.

(Казан шәһәре KZN.RU, 27-нче февраль). Казан туристлар арасында 8 март бәйрәмендә сәяхәт итү өчен популяр шәһәрләр арасында 3 урында тора.

Бәйрәм көннәрендә сәяхәт итү өчен популяр шәһәрләр исемлеге башында Санкт-Петербург һәм Мәскәү тора. Беренче унлыкка Сочи, Екатеринбург, Ярославль, Псков, Сергиев Посад, Выборг һәм Тверь шәһәрләре керде.

Казанда март аенда ял итү өчен туристлар уртача өч төнгә торак броньлыйлар һәм тәүлегенә 3,1 мең сум түлиләр, Мәскәүдә – тәүлегенә 3,5 мең сум (2,5 төн). Беренче унлыкка кергән шәһәрләр арасында иң арзан яшәү – Псков шәһәрендә (тәүлегенә 2,5 мең сум), ә иң кыйбатлысы – Сочида (3,6 мең сум).

Рейтинг Tvil.ru торак броньлау сервисының 7 марттан 12 мартка кадәр кунакханәләр һәм аппартаментларны броньлау мәгълүматларына нигезләнеп төзелгән.

Шулай ук укыгыз

Барлык яңалыклар