Казан инженер-конструкторның хезмәт хакы буенча Россиянең иң яхшы 5 шәһәре исемлегенә керде

ТР башкаласында мондый белгечләр аена уртача 85 мең сум акча эшли ала

Фото: Денис Гордийко

Казан инженер-конструкторның хезмәт хакы дәрәҗәсе буенча Россия шәһәрләре рейтингында дүртенче урынны алды. ТР башкаласында мондый белгечләргә аена уртача 85 мең сум тәкъдим итәләр.

Рейтинг лидеры Мәскәү булды, анда дәгъвачылар 130 мең сумга исәп тота ала. Аннан соң 110 меңлек тәкъдим белән Санкт-Петербург урнашкан. Өченче урынны Екатеринбург алды, анда уртача хезмәт хакы – 90 мең сум.

Казан белән беррәттән исемлектә дүртенче урынны Краснодар һәм Новосибирск бүлештеләр. Топ-10 га шулай ук Красноярск (83 мең), Дондагы Ростов (82 мең), Чиләбе (80 мең), Омск (78 мең), Уфа (77 мең) һәм башкалар керде, дип хәбәр итә SuperJob сервисы.

Шулай ук укыгыз

Барлык яңалыклар