Казан февраль бәйрәмнәрендә балалар белән ял итү өчен уңайлы шәһәрләр бишлегенә керде

Рейтинг кунакханәләр, фатирлар һәм йортларны броньлау мәгълүматлары буенча төзелгән.

(Казан шәһәре KZN.RU, 20-нче февраль). Казан февраль бәйрәмнәрендә балалар белән ял итү өчен Россиянең уңайлы шәһәрләре арасында беренче бишлеккә керде. Рейтинг 22 февральдән 25 февральгә кадәр кунакханәләр, фатирлар һәм йортларны броньлау мәгълүматлары буенча төзелгән.

Ватанны саклаучылар көнендә балалар белән ял итү өчен уңайлы шәһәрләр унлыгына Мәскәү, Сочи, Санкт-Петербург, Казан, Түбән Новгород, Кострома, Коломна (Мәскәү өлкәсе), Бөек Новгород, Олонец (Карелия), Бөек Устюг (Вологда өлкәсе) кергән.

Tvil.ru онлайн-броньлау сайты мәгълүматлары буенча, Казанда туристлар торакны тәүлегенә уртача 2,7 мең сумга броньлыйлар (Сочида – 4 мең сум, Петербургта – 3 мең).

Шулай ук укыгыз

Барлык яңалыклар