Казан балалар белән җәйге сәяхәтләр өчен иң популяр өч шәһәр арасына керде

Туристлар дүрт көнгә сезонлы сәяхәтләр броньлаган һәм яшәгән өчен тәүлегенә өч мең сумнан кимрәк түләгән.

(Казан шәһәре KZN.RU, 22-нче август). Казан балалар белән җәйге сәяхәтләр өчен Россиянең иң популяр өч шәһәр арасына керде. Иң популяр шәһәрләр унлыгы составына Санкт-Петербург, Мәскәү, Казан, Калининград, Петрозаводск, Ярославль, Краснодар, Ростов-на-Дону, Воронеж һәм Сергиев Посад керде.

Туристлар Казанга җәйге сәяхәтләрен дүрт көнгә планлаштырганнар яшәгән өчен тәүлегенә өч мең сумнан кимрәк түләгәннәр. Иң арзанлы сәяхәт Краснодарга булган (2 мең сум), иң кыйбатлысы – Мәскәүгә (3,3 мең сум).

Рейтинг Tvil.ru торак броньлау сервисы тарафыннан 2018 елның 1 июненнән 31 августына кадәр балалар белән яшәү өчен кунакханәләр броньлау мәгълүматларын анализлау нәтиҗәләре буенча төзелгән. Рейтингка курорт-шәһәрләр кертелмәгән.

Шулай ук укыгыз

Барлык яңалыклар