Казан өченче тапкыр авиаузышлар буенча дөнья чемпионатын кабул итәчәк

Очышларның мавыктыргыч рухын «Казан» гаилә үзәге янындагы мәйданчыкта узачак Red Bull Air Race күңел ачу паркыннан күзәтергә мөмкин булачак.

(Казан шәһәре KZN.RU, 28-нче май). 15-нче һәм 16-нчы июньдә Казанда өченче тапкыр Red Bull Air Race авиаузышлары буенча дөнья чемпионаты этабы узачак. Master класс пилотларының 14 командасы һәм Challenger классының 12 пилоты тизлектә, төгәллектә һәм маневрлы очкычларда идарә итү осталыгында ярышачаклар.

Очышларның мавыктыргыч рухын «Казан» гаилә үзәге янындагы мәйданчыкта узачак Red Bull Air Race күңел ачу паркыннан күзәтергә мөмкин булачак. Билетлар турында тулырак мәгълүматны сылтама буенча табарга була.

Red Bull Air Race – пилотлаштыруның динамик төре, аның максаты иң аз вакыт эчендә каршылыклар аша катлаулы һава трассасын узу. Самолетлар 370 км/сәг кадәр тизлеккә җитә.

Быел Red Bull Air Race дөнья чемпионаты программасы берничә этапны үз эченә алачак. Беренчесе Берләшкән Гарәп Әмирлекләре башкаласы Абу-Даби 8-9 февраль көннәрендә узды. Икенче этапны Казан кабул итә, ә Согуд Гарәбстанында дөнья чемпионаты тәмамлана.

Исегезгә төшерәбез, Казанда авиаузышлар белән бәйле рәвештә 14-16 июньдә Сибгат Хәким һәм Бондаренко урамнарында транспорт хәрәкәте чикләнәчәк. 15-нче һәм 16-нчы июньдә Декабристлар урамы һәм Әмирхан проспекты участокларында җәяүлеләр юллары чикләнәчәк.

Шулай ук укыгыз

Барлык яңалыклар