Казан Бөтенроссия экодиктантының төп мәйданчыгы булачак

Акциядә 11-27 нче ноябрьдә офлайн - һәм онлайн-форматларда катнашырга мөмкин.

Фото: Денис Гордийко

(Казан шәһәре KZN.RU, 3 нче ноябрь). Быел Татарстан башкаласы Бөтенроссия экологик диктантының төп мәйданчыгы булачак. Акция 11 нче ноябрьдә 10:00 сәгатьтә башлана һәм 27 нче ноябрьгә кадәр дәвам итә.

Экодиктант Россиянең барлык төбәкләрендә офлайн- һәм онлайн-форматта узачак. Теләүчеләр үз белемнәрен экодиктант.рус порталында дистанцион рәвештә тикшерә алачаклар. Аларга катлаулылыгы буенча 4 категориягә бүленгән 25 сорауга җавап бирергә туры киләчәк.

Хәзерге вакытта акция үткәрү өчен офлайн мәйданчыклар исемлеге төзелә, алар киләсе атнада билгеле булачак. Инде хәзер үк экодиктант.рус экодиктант порталында теркәлеп була.

Биремнәр 12 яшьтән кечерәк балалар һәм 12 яшьтән 18 яшькә кадәрге яшүсмерләр өчен әзерләнгән. Балигъ булган балаларны «эколог» һәм «эколог түгел» төркемнәренә бүләчәкләр.

Экодиктант язганда энергия һәм ресурсларны саклау, экологик куркынычсызлык һәм экогадәтләр турындагы белемнәр ярдәм итәчәк. Катнашучыларга дипломнар яки сертификатлар тапшырылачак, дип хәбәр итә Татарстан Экология һәм табигый байлыклар министрлыгының матбугат хезмәте.

Ведомствода билгеләп үтүләренчә, 2021 елда республика 1 дәрәҗә җиңүчеләр саны буенча лидер булды – 4691 кеше.

Шулай ук укыгыз

Барлык яңалыклар