Казан Идел буе федераль округының иң популяр туристик шәһәре дип танылды

Казан Идел буе федераль округының иң популяр туристик шәһәре дип танылды

<p> (Казан шәһәре KZN.RU, 17-нче гыйнвар). Казан Идел буе федераль округының туристлар арасында иң популяр шәһәре булды. Рейтинг 2017 елда кунакханә номерларын һәм аппартаментларны броньлау нәтиҗәләре буенча төзелгән.<br> </p> <p> Туристлар Казанда уртача 4 көнгә торак эзләгәннәр һәм аның өчен тәүлегенә якынча 3,1 мең сум түләгәннәр. </p> <p> Иң популяр шәһәрләр өчлегенә Түбән Новгород һәм Самара кергән. Экспертлар фикеренчә, бу 2018 елда үтәчәк футбол буенча дөнья чемпионаты FIFA белән бәйле. Казан, Түбән Новгород, Самарада июнь һәм июль айларында 6-шар матч узачак. </p> <p> Унлыкка шулай ук Пермь, Уфа, Саратов, Ижевск, Ульяновск, Чебоксар һәм Саранск шәһәрләре кергән. Tvil.ru броньлау буенча сервис белгечләре хисаплаулары буенча, кунакханәләр өчен иң түбән бәяләр Чебоксар һәм Саранскта, ә иң кыйммәтлесе – Түбән Новгородта. </p>

2018-01-17T10:57:47+0300