Казан табигый территорияләрне җыештыру буенча экология акциясенә кушыла

Чара #МойЭкоДень федераль экология акциясе кысаларында уздырыла.

(Казан шәһәре KZN.RU, 4-нче сентябрь). 27-нче сентябрьдә «Соловьиная роща» паркында плоггинг-йөгерү була. Бу актив ялның яңа популяр төре, ул билгеле бер дистанциягә йөгерүне һәм чүп җыюны берләштерә.

Йөгерүгә якынча бер сәгать вакыт бирелә, әлеге вакыт эчендә мөмкин кадәр күбрәк чүп җыеп өлгерү мөһим. Шул ук вакытта катнашучыларга авыр һәм очлы-үткен предметларга тимәскә киңәш итәләр.

Йөгерү тәмамланганнан соң, финиш вакытын теркәргә, җыелган чүп салынган пакетны үлчәп алырга, аның белән фотога төшәргә һәм теләсә кайсы социаль челтәргә фотоны #МойЭкоДень хэштэге белән урнаштырырга кирәк. Җыелган калдыкларның авырлыгы буенча җиңүче һәм ике призер билгеләнә. Әгәр ике катнашучы авырлык буенча бертөрле нәтиҗәләр күрсәтсә, вакыт буенча күрсәткечләр чагыштырылачак.

Сафиуллин, Кол Гали, Завойский урамнары һәм Җиңү проспекты белән чикләнгән яшел зона территориясендә узачак плоггинг-йөгерешнең төгәл вакыты турында шәһәрлеләргә чара көне якынлашканда хәбәр итәчәкләр, дип хәбәр итә оештыручылар.

Чара #МойЭкоДень федераль экология акциясе кысаларында уздырыла. Илнең төрле төбәкләрендә экология акцияләре, мәктәп укучылары өчен ачык дәресләр һәм чүпне аерып җыюны популярлаштыруга юнәлдерелгән башка активлыклар узачак, дип планлаштырыла.

Шулай ук укыгыз

Барлык яңалыклар