Казан «Оперение ON» хәйрия онлайн-фестиваленә кушыла

Фестивальне Михаил Пореченков, Тимур Родригез, Данила Козловский, Диана Арбенина, Леонид Ярмольник һәм башкалар хуплады.

(Казан шәһәре KZN.RU, 26-нчы июнь). Казан «Оперение ON» хәйрия онлайн-фестиваленә кушылачак, ул 28-нче июньнән 30-нчы июньгә кадәр проектның социаль челтәрләрендә узачак.

«Оперение» иҗат фестиваль хәрәкәте бөтен Россия буенча театр студияләрендә катнашучыларны берләштерә. Проектта Казаннан тыш Санкт-Петербург, Воронеж, Новосибирск, Чиләбе, Уфа, Тольятти, Пермь, Түбән Новгород, Иваново, Мәскәү, Сочи катнаша. Быел «Оперение» иҗади үсеш студияләре 10 еллыгын билгеләп үтәләр. Проектның идея авторы - РФ халык артисты Константин Хабенский.

«Оперение ON» фестивале балалар иҗатын популярлаштыруга, сәләтле балалар потенциалын ачуга һәм аларга ярдәм итүгә юнәлтелгән. Быелгы фестиваль программасында - «Оперение» студиясеннән эшләр һәм видео онлайн-күрсәтүләре, театр һәм кино өлкәсендәге әйдәп баручы педагоглардан һәм режиссерлардан мастер-класслар. Фестивальне проектның дуслары Михаил Пореченков, Тимур Родригез, Данила Козловский, Александр Петров, Диана Арбенина, Леонид Ярмольник, Михаил Трухин, Алексей Кравченко, Алексей Кортнев, Анатолий Белый, Максим Матвеев, Андрей Бурковский, Станислав Дужников һәм башкалар хуплады, дип хәбәр итә Казанның Мәдәният идарәсе.

Моннан тыш, фестиваль кысаларында теләгән һәркем Константин Хабенскийның хәйрия фондына ярдәм итә - баш мие шешләре булган балаларга ярдәм итү өчен иганә җибәрә алачак.

Шулай ук укыгыз

Барлык яңалыклар