Казан Испаниядә уза торган халыкара туризм күргәзмәсендә катнаша

Күргәзмәгә килүчеләрне Татарстан һәм аның башкаласы мәдәнияте һәм аларның туристлык потенциалы белән таныштыралар.

(Казан шәһәре KZN.RU, 23-нче гыйнвар). Казан кичә Мадридта ачылган FITUR 2020 40-нчы юбилей халыкара туристлык күргәзмәсендә катнаша. Күргәзмәгә килүчеләр Татарстан һәм аның башкаласы мәдәнияте белән таныша, аларның туристлык потенциалы турында белә, шулай ук сувенир продукциясе сатып ала алалар.

Быел Россиянең берләштерелгән стендын Туризм буенча федераль агентлык оештырды. Ул ачык китап формасында проектланган, аның битләре илнең мәдәни күптөрлелеген һәм дөньяга ачыклыгын гәүдәләндерә. Казан һәм Татарстаннан тыш, стендта Мәскәү, Калининград, Ростов өлкәләре, Төньяк Осетия Республикасы – Алания, шулай ук Санкт-Петербург һәм Сочи тәкъдим ителгән, дип хәбәр иттеләр Туризмны үстерү комитетында.

FITUR - Европа территориясендә иң эре дөньякүләм туристлык чараларының берсе, ул илләргә, төбәкләргә һәм шәһәрләргә дөнья туристлык базарына үз потенциалларын һәм үзара файдалы хезмәттәшлек өчен мөмкинлекләрен тәкъдим итәргә мөмкинлек бирә.

Шулай ук укыгыз

Барлык яңалыклар