Казан студентлар арасында карда регби буенча бөтенроссия турнирын кабул итәчәк

Татарстан башкаласына Мәскәү, Санкт-Петербург, Пермь, Ульяновск һәм башка шәһәрләрдән командалар киләчәк.

Фото: vk.com/regbi_rt

(Казан шәһәре KZN.RU, 5 нче март). 6 нчы мартта «КАИ Олимп» мәдәни-спорт комплексы стадионында студентлар арасында карда регби буенча ел саен үткәрелә торган «Снежный зилант – 2022» бөтенроссия турниры узачак. Ярышлар А.Н.Туполев исемендәге Казан милли тикшеренү техник университетының 90 еллыгына багышлана. Турнирда барлыгы 13 ир-ат һәм 8 хатын-кыз командасы катнашачак.

Ир-атлар командалары арасындагы ярышларда Санкт-Петербург, Казан, Пермь, Ульяновск, Йошкар-Ола, шулай ук Дагестан студентларыннан торган командалар катнашачак. Хатын-кызлар арасында Мәскәү, Пермь, Казан һәм Ульяновск командалары көч сынашачак, дип хәбәр итә ТР Спорт министрлыгының матбугат хезмәте.

Шулай ук укыгыз

Барлык яңалыклар