Казан Йөзү буенча дөнья кубогының VI этабын кабул итәчәк

Ярышлар 28-30 октябрьдә узачак.

(Казан шәһәре KZN.RU, 18-нче август). Киләсе елда Казанда Йөзү буенча дөнья кубогы - дәрәҗәле халыкара турнирның сайлап алу этабы узачак. Ярышлар 28-30 октябрьдә узачак.

Кубок киләсе елның сентябрендә Сингапурда һәм Кытайның Цзинан шәһәрендә старт ала, бу турнирларның төгәл даталары әле билгеләнмәгән.

Өченче этап Берлинда 1-нче октябрьдән 3-нче октябрьгә кадәр, дүртенчесе – 7-9 октябрьдә, бишенчесе – Дохада, айның икенче яртысында, 21-23 числода узачак. Шулай итеп, Казан стартлары исәп буенча алтынчы сайлап алу этабы булачак.

Җиңүчеләр Абу-Дабида кыска суда йөзү буенча дөнья чемпионатында катнашачак, дип хәбәр итә ТР Спорт министрлыгы матбугат хезмәте.

Шулай ук укыгыз

Барлык яңалыклар