Казан кибатлетика буенча беренчелекне кабул итә

Мондый ярышлар Мәскәү, Санкт-Петербург, Новокузнецк, Уфа, Калуга һәм Севастопольдә узды инде.

(Казан шәһәре KZN.RU, 4-нче октябрь). Кибатлетика буенча ачык беренчелек 10-нчы октябрьдә Татарстан башкаласында «Сәламәтлек индустриясе. Казан» махсус күргәзмәсе кысаларында «Казан ярминкәсе» күргәзмә үзәгендә узачак.

Кибатлетика - ул протезлы яки электроприводлы коляскадагы кешеләр арасында үз техник чаралары белән идарә итү осталыгында ярыш. Беренчелектә катнашучылар түбәндәге дисциплиналар буенча ярышачаклар: кул протезлары, бот протезлары, балтыр протезлары, электр коляска арбалары.

Реабилитациянең техник чараларыннан файдалана торган физик мөмкинлекләре чикле кешеләр гадәти тормышта көндәлек очрый торган төрле көнкүреш шартлары имитаторларыннан булган трассаларда көч сынашачаклар. Шулай итеп, катнашучыларга баскычларны, пандусларны узарга, керү ишекләре аша үтәргә, электролампаларны алыштырырга, кием элергә, протезлы кул белән төрле конфигурациядәгк һәм массадагы предметларны алырга, бот һәм балтырпротезлары булганнарга бордюрлар һәм кисешкән җирлек буенча үтәргә, тигезлекне сакларга, электр коляскасында каршылыклар аша үтәргә һәм башка бик күп нәрсәләрне узарга кирәк булачак.

Җиңүчеләрне трассаны хатасыз узган өчен җыелган баллар саны буенча, ә баллар тигез булган очракта сынауны узуга тотылган вакыт буенча билгелиячәкләр. Ярышлар 13.00 сәгатьтә башлана.

Оештыручылар сайтында теркәлгәч, беренчелектә катнашырга мөмкин. Монда ук ярыш кагыйдәләре һәм нигезоәмәсе белән танышырга мөмкин. Элегрәк мондый чаралар Мәскәү, Санкт-Петербург, Новокузнецк, Уфа, калуга һәм Севастопольдә узган иде.ю дип хәбәр итә Татарстан Республикасы Мәгариф һәм фән министрлыгының матбугат хезмәте.

Шулай ук укыгыз

Барлык яңалыклар