Казан синхрон йөзү буенча Россия чемпионатын кабул итәчәк

Ярышлар 25-27 апрельдә Су спорт төрләре сараенда узачак.

(Казан шәһәре KZN.RU, 27-нче март). 25-27 апрельдә Казанда синхрон йөзү буенча Россия чемпионаты узачак. Ярышлар Су спорт төрләре сараенда үткәрелә.

Беренче булып җиңү өчен катнаш программа вәкилләре көрәшәчәк – алар арасында бүләкләр 25 апрельдә уйнатыла. Шул ук көнне техник программаның “соло” категориясе кысаларында ярышлар, чемпионат ачылу тантанасы һәм ирекле программа узачак. 26 апрельдә спортчылар ирекле “соло” программасында, шулай ук төркем һәм дуэтларның техник программасы белән чыгыш ясаячаклар.

Россия чемпионаты 27 апрельдә тәмамлана, дип хәбәр итә “Спорт һәм социаль проектлар дирекциясенең” медиа департаменты.

Шулай ук укыгыз

Барлык яңалыклар