Казан традицион карате буенча Россия чемпионатын һәм беренчелеген кабул итәчәк

Ярышларда илнең төрле почмакларыннан 400-гә якын спортчы катнашачак.

(Казан шәһәре KZN.RU, 15-нче март). Киләсе ял көннәрендә, 16-17 мартта, Казанда традицион карате буенча XI Россия чемпионаты һәм беренчелеге узачак.

Ярышларда илнең төрле почмакларыннан 400-гә якын спортчы катнашачак. Ярышлар тугыз яшь категориясендә һәм дүрт дисциплинада узачак: ката, кумите, фукуго, энбу. Ярышлар программасы турында тулырак мәгълүматны түбәндәге сылтама буенча алырга мөмкин.

Турнир «Ак Барс» көрәш сараенда узачак. Чараның тантаналы ачылышы 16-нчы мартның 11.00 сәгатенә планлаштырылган.

Тамашачылар өчен керү ирекле.