Казанга төшерү төркеме белән Валдис Пельш килде

Шәһәр метрополитены турында документаль фильм чыгару планлаштырыла.

Фото: «Метроэлектротранс» муниципаль унитар предприятиесе

(Казан шәһәре KZN.RU, 13-нче октябрь). 11-нче октябрьдә «Метроэлектротранс» муниципаль унитар предприятиесе инженерлар корпусында Беренче каналның төшерү төркеме булды, аның составында танылган телетапшырулар алып баручы Валдис Пельш та бар.

Мәскәү кунаклары поездларның диспетчерлык идарәсе үзәгендә булдылар, диспетчерларның эшен күрделәр һәм аларга үзләрен кызыксындырган сорауларын бирделәр. Аларның визитының максаты – Казан метрополитены турында документаль фильм төшерү иде, дип хәбәр итә «Метроэлектротранс» МУП матбугат хезмәте.

Аннары төшерү төркеме метрога төште, «Сукно бистәсе» һәм «Кремль» станцияләрен карады. Телеканал хезмәткәрләре сүзләренә караганда, «Кремль» станциясе төшерү өчен яхшы туры килә – нәкъ менә шунда алып барылган да инде. Документаль фильм тиздән эфирга чыгачак.

Исегезгә төшерәбез, Казан метрополитенының беренче линиясе 11 станциядән тора. Хәзер икенче линиянең беренче участогы, «Дубравная» станциясендә күчеп утыру белән, Идел буе һәм Совет районнары территориясе буенча Сахаров урамына кадәр төзелә. Эшләрне 2027 елда тәмамлау планлаштырыла.

Шулай ук укыгыз

Барлык яңалыклар