Казан Россиядә беренче тапкыр Бөтендөнья кышкы Олимпия уеннарын уздырачак

Ярышлар үткәрү махсус спорт хәрәкәтен үстерүгә, шулай ук инклюзив мәдәниятне формалаштыруга юнәлтелгән.

(Казан шәһәре KZN.RU, 29-нчы июнь). 2022 елда Казан Бөтендөнья кышкы Олимпия уеннарын кабул итәчәк. Ярышлар үткәрү махсус спорт хәрәкәтен үстерүгә, шулай ук инклюзив мәдәниятне формалаштыруга юнәлтелгән.

2022 елгы Уеннар Россиядә Special Olympics International эгидасы астындагы беренче халыкара чара булачак. Казан Халыкара координация советы тарафыннан шәһәр ирешкән казанышлар ярдәмендә сайланды, ул күп тапкырлар халыкара ярышларны кабул итте һәм инклюзив бергәлекләр вәкилләре катнашындагы чаралар оештыру буенча уңышлы тәҗрибәгә ия булды. Шәһәр Бөтендөнья кышкы уеннары программасын тәшкил итүче 7 спорт төре буенча ярышлар уздыру өчен яхшы әзерләнгән: тау чаңгысы спорты, сноуборд, флорболу, чаңгы узышлары, фигуралы шуу, шорт-трек һәм кар өстендә йөгерү.

Бөтендөнья кышкы уеннарында Махсус Олимпиадада дөньяның 108 иленнән 2 мең спортчы һәм юнифайд-партнерлар (интеллектуаль үсеш үзенчәлекләреннән башка спортчылар) катнашачак. Шулай ук аларга 3 меңгә якын волонтер һәм 4 мең мактаулы кунак һәм аларның гаилә әгъзалары кушылачак, дип хәбәр итә «Татмедиа» агентлыгы.

Махсус Олимпиада Россиядә инде өч дистә ел яши һәм бөтен ил буенча ярышларда катнашучы 130 меңгә якын спортчы исәпләнә. Әмма бу Россиядә яшәүче интеллектуаль үсеш үзенчәлекләре булган кешеләрнең гомуми санының 3%-ы гына. Бөтендөнья кышкы уеннарның төп максатларының берсе - анда катнашучылар санын 2025 елга 200 мең кешегә җиткерү.

Бөтендөнья махсус Олимпия уеннары һәр ике ел саен үткәрелә, чиратлашып җәйге һәм кышкы чорларда уздырыла һәм бөтен дөнья буйлап трансляцияләнә. Соңгы ярышлар 2017 елда Австриядә узды.

2022 елгы Бөтендөнья кышкы уеннар турындагы тулырак мәгълүматны sokazan2022.com сайтыннан табып була.

Шулай ук укыгыз

Барлык яңалыклар