Казан Россия Мәгариф һәм фән министрлыгының Рәхмәт хаты белән билгеләнде

Казан Россия Мәгариф һәм фән министрлыгының Рәхмәт хаты белән билгеләнде

<p> (Казан шәһәре KZN.RU, 28-нче апрель). Казан РФ Мәгариф һәм фән министрлыгының Рәхмәт хаты белән билгеләнде. Мәгарифне үстерүгә керткән өлеше өчен бүләк Татарстан башкаласы вәкилләренә Мәскәү халыкара мәгариф салонында тапшырылды.<br> </p> <p> Форум 18-19 апрельдә Халык хуҗалыгы казанышлары күргәзмәсе мәйданында (ВДНХ) үтте. Быел форумда “Белем бирүнең яңа экосистемасы” темасына фикер алыштылар. Мәскәү халыкара мәгариф салоны ел саен үтә. Анда федераль һәм төбәк башкарма хакимияте органнары, Россиянең дәүләт һәм дәүләтнеке булмаган мәгариф оешмалары, шулай ук чит ил министрлыклары, ведомстволары һәм мәгариф оешмалары вәкилләре катнаша. Эшлекле программа кысаларында түгәрәк өстәлләр,мастер-класслар, семинарлар, конференцияләр һәм башка тематик чаралар үтте. 19 апрельдә Россия шәһәрләрендә мәгариф өлкәсендә идарә иткән җирле үзидарә органнары җитәкчеләре форумында Казан мәгарифне үстерүгә керткән өлеше өчен Россия Мәгариф һәм фән министрлыгының Рәхмәт хаты белән билгеләнде. </p> <p> Искәртергә кирәк, Казанда “2015-2020 елларда Казанда мәгарифне үстерү” программасы гамәлдә. Мәгариф учреждениеләрен капиталь төзекләндерү программасы буенча Казанда 2015-2017 елларда 15 балалар бакчасы һәм 46 мәктәптә капиталь төзекләндерү эшләре башкарылды. Моннан кала, 2015 ел белән чагыштырганда, мәктәпне медальгә тәмамлаучылар саны 463-тән 549-га кадәр артты. Өстәмә белем бирүне үстерү программасы кысаларында балаларда техник иҗатка омтылышны арттыру өчен күп эш эшләнә. Бүген аның белән 208 берләшмәдә 7 меңнән артык бала шөгыльләнә. </p>

2018-04-28T10:10:45+0300