Казан юллар һәм шәһәр мобильлеген проектлауның халыкара тәҗрибәләрен җайлаштыру өчен беренчеләрдән булырга мөмкин

Муниципалитетлар өчен тавыш бирү 30-нчы декабрьгә кадәр ачык.

Фото: Казан шәһәре KZN.RU

(Казан шәһәре KZN.RU, 7-нче декабрь). Россиядә 2021 елда юлларны һәм шәһәр мобильлеген проектлауның халыкара тәҗрибәләрен җайлаштыру буенча карарлар формалаштырылачак пилот шәһәрләр сайлыйлар. Теләгән һәркем, шул исәптән, Казан өчен тавыш бирә ала.

Конкурста сайлап алу финалистлары булачак муниципалитетларда әлеге территория өчен актуаль булган яңа шәһәр мобильлеге буенча төп инициативалар системалы рәвештә кертеләчәк. Бу транспорт төеннәре өчен чишелешләр, тизлекне чикләү, интеграль чишелешләр, идарә системасы. Шулай ук җиңүчеләр «Имин һәм сыйфатлы автомобиль юллары» илкүләм проекты кысаларында Стратегик инициативалар агентлыгыннан яңа шәһәр мобильлеге буенча прогрессив карарлар һәм тәҗрибәләр куллану мөмкинлеген алачак. Шул исәптән, муниципалитетларның шәһәр мохитен үстерү мәсьәләләрен хәл итүгә урамнарны төзекләндерү һәм төзүгә карата гражданнарны җәлеп итү стандартын кертү мөмкинлеге булачак (партисипаторлы проектлау - ред.искәрмәсе).

Сынау шәһәрләре өчен сылтама буенча 30-нчы декабрьгә кадәр тавыш бирергә мөмкин. Шуннан соң иң күп тавыш җыйган 10 гариза ачыкланачак. Шул исәптән киләсе елның 20-нче гыйнварына кадәр конкурс буенча сайлап алу комиссиясе биш территорияне сайлаячак, аларда 2021 елда юлларны партисипаторлы проектлау системасын сынау узачак.

Конкурсны Яңа проектларны алга этәрү буенча стратегик инициативалар агентлыгы һәм «Россия юллар фәнни-тикшеренү институты» федераль автоном учреждениесе үткәрә, дип хәбәр итә оештыручылар.

Шулай ук укыгыз

Барлык яңалыклар