Казан Россиянең иң яхшы цифрлы шәһәре исемен алырга мөмкин

Дәгъвачылар арасында шулай ук Мәскәү, Санкт-Петербург, Түбән Новгород, Ростов-на-Дону, Новосибирск шәһәрләре дә бар.

Фото: Денис Гордийко

(Казан шәһәре KZN.RU 25-нче ноябрь). «Цифровой прорыв – 2021» бәйгесендә иң яхшы цифрлы һәм яңалыкларны җәлеп итүчән шәһәр өчен тавыш бирү дәвам итә. Җиңүче «Кайда//Иң яхшы цифрлы төбәк» номинациясендә Рунетның абруйлы Премиясен алачак. Дәгъвачылар арасында Казан да бар.

Интернет-кулланучыларга шәһәрләрне IT-инфраструктураны үстерү, белгечләр әзерләү базасын, перспективалы проектлар һәм стартаплар булу, IT эшмәкәрлеккә ярдәм итү һәм профессионалларны җәлеп итүчәнлек предметына бәяләргә кирәк. Тавыш бирүнең беренчел нәтиҗәләре буенча Казан Мәскәү һәм Санкт-Петербург белән беррәттән иң яхшылар өчлегенә керә. Дәгъвачылар арасында шулай ук Түбән Новгород, Ростов-на-Дону, Новосибирск бар. Тавышны конкурс сайтында биреп була.

«Цифровой прорыв» – «Россия – мөмкинлекләр иле» платформасының флагман проекты, ул «Мәгариф» илкүләм проекты кысаларында тормышка ашырыла. Төп максат – бөтен Россия буенча цифрлы икътисад өчен яңа кадрлар табу. Конкурс башланганнан бирле 7 ай эчендә катнашучылар тематик хакатоннар кысаларында 879 карар эшләгәннәр. Бәйгенең өченче сезон финалы 2-4-нче декабрьдә Иннополиста узачак. Анда 1333 кеше катнашачак. Аларга базарның иң эре вәкилләреннән 12 кейс чишәргә туры киләчәк, дип хәбәр итә ТР Цифрлар министрлыгының матбугат хезмәте.

Шулай ук укыгыз

Барлык яңалыклар