Казаннан Мәскәүгә өстәмә поездлар билгеләнә

Казаннан Мәскәүгә өстәмә поездлар билгеләнә

<p> Ноябрь бәйрәмнәре алдыннан Казаннан Мәскәүгә өстәмә поездлар билгеләнә. </p> <p> 205 нче номерлы поезд башкаладан 30 октябрьдә 20:09 сәгатьтә юлга кузгала, Мәскәүгә алдагы көнне 11.27 сәгатьтә килеп җитә. Кире юнәлештә 274 нче номерлы поезд Россия башкаласыннан 31 октябрь көнне 16.15 сәгатьтә юлга кузгала һәм Казанга киләсе тәүлектә, ягъни 1 ноябрь көнне 05.05 сәгатьтә кайтып җитә. </p> <p> 205/206 нчы номерлы поезд Татарстан башкаласыннан 4 ноябрь көнне 22:35 сәгатьтә юлга кузгала, Мәскәүгә 5 ноябрь көнне 11:42 сәгатьтә килеп җитә. Состав кире юнәлештә Россия башкаласыннан 5 ноябрь көнне 23.20 сәгатьтә юлга кузгала һәм Казанга киләсе тәүлектә, ягъни 6 ноябрь көнне 13.00 сәгатьтә кайтып җитә. </p> <p> Юлда поезд Яшел Үзән, Канаш, Арзамас-2, Муром станцияләрендә тукталачак. </p> <p> Моннан тыш, шәһәрләр арасында 1/2 нче номерлы «Премиум» һәм 23/24 нче номерлы «Ике катлы состав» фирма поездлары, пассажирларга ел дәвамында хезмәт күрсәтә торган 147/148 нче һәм 149/150 нче номерлы поездлар йөрүләрен дәвам итәчәк. Аерым даталар буенча 271/272 нче номерлы ике катлы поезд юлда булачак. </p> <p> Әлеге юнәлештә гыйнвардан августка кадәр ерак араларга йөрүче поезд хезмәткәрләре тарафыннан 521 меңгә якын пассажирга хезмәт күрсәтелгән. Бу күрсәткеч узган елның шул ук чоры белән чагыштырганда 4,6% ка арткан. </p> <p> Юл йөрү документларын «РЖД Пассажирам» мобиль кушымтасы аша, «Россия тимер юллары» ачык акционерлык җәмгыяте сайтында «Пассажирларга» бүлегендә, шулай ук тимер юл вокзалларындагы кассаларда рәсмиләштерергә була. </p> <p> Юл йөрү документларын рәсмиләштерү кагыйдәләре һәм поездлар хәрәкәте турында тулырак мәгълүматны «Россия тимер юллары» ачык акционерлык җәмгыятенең рәсми сайтындагы «Пассажирларга» бүлегендә, шулай ук +7(800)775-00-00 телефон номерына шалтыратып (әлеге номерга Россиянең барлык төбәкләре дә бушлай шалтырата ала), «Россия тимер юллары» ачык акционерлык җәмгыятенең Клиентларга ярдәм күрсәтү үзәгендә белергә була. </p>

2025-09-25T10:22:11+0300