Казан бадминтон буенча дөнья беренчелеген кабул итәргә әзерләнә

Казан бадминтон буенча дөнья беренчелеген кабул итәргә әзерләнә

<p> <img src="https://www.kzn.ru/upload/iblock/d00/badminton_4139024_640.jpg"><br> </p> <p> (Казан шәһәре KZN.RU, 19-нчы сентябрь). Казан 19 яшькә кадәрге яшьләр һәм яшүсмерләр арасында бадминтон буенча дөнья беренчелеген кабул итәчәк. Ярышлар 30-нчы сентябрьдән 5-нче октябрьгә кадәр Гимнастика үзәгендә узачак. </p> <p> Ярышларда 43 илдән 400-гә якын спортчы катнашачак. Аларга 100-дән артык судья бәя бирәчәк, шул исәптән Бөтендөнья һәм Европа бадминтон федерацияләре вәкилләре дә. </p> <p> 30-нчы сентябрьдән 2-нче октябрьгә кадәр ярышлар 8.30 сәгатьтән 22.30 сәгатькә кадәр, 3-нче һәм 4-нче октябрьдә 9.00 сәгатьтән 21.00 сәгатькә кадәр узачак, финал очрашулары 13.00 сәгатьтә башлана. Шәһәрлеләр һәм Казан кунаклары дөнья беренчелеге матчларын бушлай карый алачак, турнирга керү – ирекле, дип хәбәр итә Спорт һәм социаль проектлар дирекциясе матбугат хезмәте. </p> <p> Яшүсмерләр арасында дөнья беренчелеге 1992 елдан бирле үткәрелә һәм яшь уенчылар карьерасында мөһим этап булып тора. </p> <p> Казан элегрәк бадминтон буенча халыкара ярышларны кабул иткән иде инде, алар арасында 2014 елда бадминтон буенча Европа чемпионаты, ир-атлар һәм хатын-кызлар командалары арасында бадминтон буенча Европа чемпионаты һәм 2016 һәм 2018 елларда 15 яшькә кадәрге яшүсмерләр арасында бадминтон буенча Европа беренчелеге бар. </p> <p> Әлеге турнир оештыручылары - Бөтендөнья бадминтон федерациясе, Россия Илкүләм бадминтон федерациясе, ТР Спорт министрлыгы, ТР Бадминтон федерациясе һәм Спорт һәм социаль проектлар дирекциясе. </p>

2019-09-19T11:37:34+0300