«Черек күл» паркында һәм ТР төзелеш тармагының 100 еллыгы скверында шугалаклар үз эшен төгәлләде

Ике ай эчендә казанлылар һәм шәһәр кунаклары тимераякларны 37 мең тапкыр арендалаган.

Фото: Денис Гордийко

(Казан шәһәре KZN.RU, 1 нче март). «Черек күл» паркында һәм ТР төзелеш тармагының 100 еллыгы скверында боз шугалаклары бу кышкы сезонда үз эшен төгәлләде.

Шугалаклар 63 көн эшләде. Бу вакыт эчендә казанлылар һәм шәһәр кунаклары тимераякларны 37 мең тапкыр арендалаган, дип хәбәр итә Казанның парклар һәм скверлар дирекциясе.

«Черек күл» паркында шугалак алтынчы тапкыр эшләде. Узган сезон биредә вакыйгаларга бай булды, иң истә кала торганы яңа елны бәйрәм итү булды, чарада 10 мең кеше катнашты. Бу кышта беренче тапкыр кино күрсәттеләр – шәһәрлеләр яңа ел темасына һәм романтик фильмнар, мультфильмнар карады. Шулай ук паркның сервислар буенча (шугалакның эш режимы һәм картасы булган) үз гиды барлыкка килде. Моннан тыш, бозда фигуралы шуу буенча традицион мастер-класслар һәм шугалакта кичәләр үткәрелде.

ТР төзелеш тармагының 100 еллыгы скверында шугалак үзенең беренче кышын каршы алды һәм җирле халыкны җәлеп итү ноктасына әверелде. Скверда яңа ел чыршысы урнаштырылды, прокат пункты эшләде, шулай ук өлкәннәр һәм балалар өчен яңа ел чаралары узды.

Шулай ук укыгыз

Барлык яңалыклар