«Черек күл» паркында шугалак һәм прокат пункты яңадан эшли башлады

7 марттан 9 мартка кадәр килүчеләрне 10:00 нан 23:00 кә кадәр кабул итәчәкләр

«Черек күл» паркында яңадан шугалак һәм тимераякларны прокатка бирү пункты эшли башлады. Киңлек уңайсыз һава шартлары аркасында вакытлыча ябылган иде. Шугалак кардан чистартылган һәм яңа боз катламы белән капланган. Бүген шуучыларны паркта 17:00 сәгатьтән көтәләр.

Парклар һәм скверлар дирекциясендә хәбәр итүләренчә, боз мәйданчыгы эш көннәрендә 12:00 дән 22:00 гә кадәр, ял көннәрендә 10:00 нан 23:00 кә кадәр эшли. Тимераякларны шугалак эшләп бетүгә 1 сәгать 15 минут кала һәм техник тәнәфес алдыннан прокатка бирүдән туктаталар.

Элегрәк боз мәйданчыгы язгы җәдвалга күчә дип хәбәр ителгән иде – хәзер киңлекнең эш режимы һава шартларына бәйле булачак.

Шулай ук укыгыз

Барлык яңалыклар