16 нчы шәһәр хастаханәсе стационарын капиталь ремонтлауны 2025 елның беренче кварталында тәмамларга планлаштыралар

Хәзер бинаның керү төркемен һәм тышын бизәү эшләре бара

Казанның Мәскәү районында 16 нчы шәһәр хастаханәсе стационарына капиталь ремонтны 90% ка башкарганнар. Биредә эшләрне тулысынча киләсе елның беренче кварталында тәмамларга ниятлиләр.

Бүгенгә стационарның ике бинасы һәм операция блогы төзекләндерелгән, анда буш бүлмәләр тулысынча яңартылган. Бинаның керү төркемен һәм алгы ягын бизәү тәмамлана. Хезмәткәрләргә идән асты бүлмәсен ремонтларга кирәк булачак, дип хәбәр итә ТР ССМ Казан буенча Сәламәтлек саклау идарәсе.

Барлык яңартылган бүлмәләр һәм палаталар техника, җиһаз, суыткычлар һәм башка кирәкле җайланмалар белән җиһазландырылган. Белгечләр видеокүзәтү, һава сафландыргыч, җилләткеч системаларын тоташтырдылар, янгын сигнализациясен һәм өч лифтның икесен алыштырдылар.

Исегезгә төшерәбез, 16 нчы шәһәр хастаханәсе стационарында капиталь ремонт 2022 елда башланды. Яңартылганнан соң бинада гематология һәм рентген компьютер томографиясе бүлекләре, даруханә пункты урнаштырылачак.

Элегрәк хәбәр ителгәнчә, быел Казанда Борисоглебское бистәсендә табиб амбулаториясе һәм 18 нче хастаханәнең кабул итү-тикшерү бүлеген төзергә планлаштыралар. 2024 елның зур вакыйгасы — Салават Куперендә иң эре поликлиника ачылачак, ул 60 меңгә якын шәһәр кешесенә хезмәт күрсәтәчәк.

Шулай ук укыгыз

Барлык яңалыклар