Калдыкларны ничек сортларга аерырга һәм микрояшеллекне ничек үстерергә: казанлыларны мартта экостанциядә нәрсәгә өйрәтәчәкләр

Катнашу өчен алдан теркәлергә кирәк

Март аенда Казансу елгасы яр буенда экостанциядә бушлай чаралар сериясе узачак. Халыкка климатның ни өчен үзгәрүен, экокапчыкчыкларны ничек бизәргә мөмкин булуын аңлатачаклар, шулай ук менструаль чынаяклар турында сөйләячәкләр.

Бу якшәмбедә, 2 мартта, тотрыклы үсеше буенча эксперт Кира Камалова глобаль климат үзгәрешләре артында нәрсә торганын һәм ни өчен бу тема тирәсендә мифлар шулкадәр күп булуын сөйләячәк. Лекция 15:00 сәгатьтә башлана, сылтама буенча теркәлергә мөмкин.

Бер атнадан, 9 мартта, шәһәр халкы калдыкларны ничек дөрес сортларга аерырга һәм аларны шәһәрдә кая тапшырырга икәнен белә алачак. Ахырда катнашучылар өчен сый-нигъмәтләр белән чәй эчү оештырылачак. Практикум 16:00 да старт ала, кунакларны «ЭкоЛогично» берләшмәсе активисты Фәридә Газимова алып барачак. Катнашу өчен теркәлү кирәк.

Активистлар кешеләргә полиэтилен пакетларны экокапчыклар белән алыштырырга киңәш итә. Аларны бизәр өчен, кунаклар өчен чигү буенча мастер-класс үткәрәчәкләр. Ул 23 мартта 14:30 да узачак. Сылтама буенча теркәлергә кирәк.

Йомгаклау чарасы 29 мартта узачак. Шәһәр халкына микрояшеллек утырту буенча мастер-класс үткәреләчәк. Барлык материалларны да мәйданчыкта бирәчәкләр. Катнашучыларны 13:00 сәгатьтә көтәчәкләр. Катнашу өчен теркәлү узарга кирәк.

Шулай ук экостанциядә эшкәртелгән капкачлардан сувенирлар әзерләү буенча даими мастер-класслар уза. Нечкәлекләрне сылтама буенча белергә мөмкин, дип хәбәр итә «ЭкоЛогично» хәрәкәте.

Экостанция «УРАМ» экстрим-паркының футбол кырлары арасында Казансу яры буенда урнашкан. Павильон чәршәмбедән якшәмбегә кадәр 12:00 дән 20:00 гә кадәр ачык.

Шулай ук укыгыз

Барлык яңалыклар