Казан быел ничек чәчәк атачак: 63 чәчәк фигурасы, 59 урамда чәчәк түтәле, мең кашпо

Чәчәкләр белән бизәү өчен 20 төр үсемлек сайлап алынган

Казанда бар көчкә берьеллык һәм күпьеллык чәчәкләр утырту эше бара. Чәчәкләр белән бизәү өчен үсемлекләрнең 20 төре, шул исәптән тагетес, цинерария, сальвия һәм петуния сайлап алынган.

Чәчәк түтәлләре Пушкин, Лобачевский, Ершов һәм Оренбург трактын да кертеп, 59 урамда барлыкка киләчәк. Төп магистральләр – Кремль, Декабристлар, Вишневский, Камалиев, Павлюхин, Оренбург тракты буендагы 22 урамда 14 мең ампель петуния белән меңнән артык чәчәк кашпосы урнаштырылачак.

Төрле районнарда 63 чәчәк фигурасыннан 20 күләмле композиция барлыкка киләчәк. Алар арасында – «ФИФА дивары», «Бутса», «Сыбызгы», «Чәчәкле агач», «Алиса в стране чудес», «Туп», «Барс», «Аккошлар», «Шарлар» һәм башкалар.

Шулай ук укыгыз

Барлык яңалыклар