БРИКС саммитына Казанда 14 юл участогы ремонтланды

Август-сентябрь айларында тагын җиде объектта эшләр тәмамланачак

Казанда БРИКС илләре саммитына юлларның 14 участогын ремонтлаганнар. Август-сентябрь айларында тагын җиде объектта эшләр тәмамланачак. Бу хакта «Татар-информ» мәгълүмат агентлыгында матбугат конференциясендә билгеле булды.

Тышкы төзекләндерү комитеты рәисе Игорь Сәләхетдинов хәбәр иткәнчә, октябрьдә Казанда узачак халыкара вакыйгага урамнарның 22 участогында һәм шәһәрнең иҗтимагый киңлекләрендә тышкы яктыртуны яңартачаклар. 10 территориядә эш башкарылган, тагын җидесендә дәвам итә.

Җир асты кичүләре Батурин, Ташаяк һәм Сәетгалиев урамнарында ремонтланган. Николай Ершов урамындагы объектта эшнең 95% башкарылган. Җир асты күчүен эксплуатациягә, тукталыш күшәге төзелгәннән соң, 30 нчы августка кадәр тапшыру планлаштырыла. Исегезгә төшерәбез, Шәһәр һәм Республика көненә Горький исемендәге паркның керү төркемен төзекләндерү буенча ике еллык эшләр тәмамланып килә.

Алты җир өсте кичүендә 13 күтәрелеш платформасын алыштыру дәвам итә. Оренбург трактында лифтны июльдә эшләтеп җибәрәчәкләр, калган объектлар сентябрьдә кулланышка тапшырылачак. Элегрәк хәбәр ителгәнчә, Оренбург трактында, Павлюхин урамында һәм Ямашев проспектында эшләр мартта старт алды.

Шулай ук шәһәрдә 18 терәк диварны төзекләндерделәр һәм буядылар. Бауман урамында гранит плиталарны ике өслектә алыштыру дәвам итә. Моннан тыш, эшчеләр планлаштырылган 12 баскычтан 10 баскычны яңартканнар. Павлюхин урамында төзелешне 30 нчы июньгә кадәр, Оренбург трактында 9 нчы июльгә кадәр төзекләндерәчәкләр.

Барлыгы Казан объектларын БРИКС саммитына комплекслы төзекләндерүгә 7,9 млрд сум бүлеп бирелгән, шулардан 6,1 млрд сумы юлларның 29 участогын ремонтлауга һәм инфраструктураны яңартуга, тагын 1,8 млрд — җәмәгать киңлекләрендә эшләр башкаруга юнәлдерелде.

Элегрәк билгеле булганча, БРИКС Уеннарына һәм саммитына яшелләндерү эшләре вакытында Казанда бер миллион чәчәк утыртканнар. Оренбург трактын, Павлюхин, Сибгат Хәким, Карл Маркс, Кремль урамнарын 300 агач һәм биш меңнән артык куак бизи.

Шулай ук укыгыз

Барлык яңалыклар