Казанда Бөтенроссия халык санын алуны үткәрүгә 80гә якын волонтер җәлеп ителгән

Шуларның 20-се көн саен күпфункцияле үзәк базасында стационар пунктларда эшли.

Фото: Марат Мугинов

(Казан шәһәре KZN.RU, 25-нче октябрь, Екатерина Виславская). Казанда Бөтенроссия халык санын алу дәвам итә. Шәһәрдә аны үткәрүгә 80-гә якын волонтер җәлеп ителгән, дип хәбәр итте бүгенге эшлекле дүшәмбе вакытында Казан Башкарма комитеты җитәкчесе урынбасары Гүзәл Сәгыйтова. «Аларның һәркайсы уку узды һәм күрсәтмә материал алды», – диде ул. Ирекле ярдәмчеләрне футболка, жилет, аккредитацияләре буенча танырга мөмкин, шулай ук аларга шәхси саклану чаралары да бирелгән.

Көн саен Казан Башкарма комитетының Балалар һәм яшьләр эшләре буенча комитетының 20-гә якын волонтеры 11 күпфункцияле үзәктә исәпкә алуны үткәрергә ярдәм итә. Комитет базасында вакцинация пунктларында эшләү өчен волонтерлар җыю бара.

Халык санын алуда катнашкан кешеләрнең берсе – Казан Мэры Илсур Метшин. Ул Яңа Савин районындагы стационар исәпкә алу участогында булды . Казанда барлыгы 50-дән артык шундый участок эшли, аларның эш графигы һәм адреслары белән сылтама буенча танышырга мөмкин. Моннан тыш, казанлылар исәпкә алучыны өйләрендә кабул итә яки РФ Дәүләт хезмәтләре порталындагы сорауларга җавап бирә ала.

Халык санын алу турында тулырак мәгълүматны KZN.RU порталында урнашкан махсус бүлектә белергә мөмкин.