Ноябрьгә Казанда Горький паркының керү зонасын төзекләндерү эшләре тәмамланачак

Территориядә япма яңартылган, куаклар утыртылган һәм яңа җәмәгать транспорты тукталышлары төзелгән

Фото: Вахитов һәм Идел буе районнары администрациясе

(Казан шәһәре KZN.RU, 11 нче октябрь). Горький исемендәге паркның керү зонасын төзекләндерүне ноябрьгә тәмамларга планлаштыралар. Яңартылганнан соң, мәйдан эскәмияләр, өстәлләр һәм навеслар белән ял итү зонасына әвереләчәк. Бу хакта шәһәрнең Тышкы төзекләндерү комитетында хәбәр иттеләр.

Бүгенге көндә территориядә җәяүлеләр япмасы алыштырылган, куаклар һәм күпьеллык үсемлекләр утыртылган, кечкенә архитектура формалары (эскәмияләр, урналар һәм кояштан саклаучы зонтлар) урнаштырылган, шулай ук җәмәгать транспорты тукталышларының яңа павильоны төзелгән. Велосипедчылар өчен Н.Ершов урамы буйлап велосипед юлы оештырылган.

Совет власте өчен һәлак булганнарның стеласы һәм Билгесез солдат һәйкәле шул килеш калачак.

Исегезгә төшерәбез, Горький исемендәге Казан паркын, беренчеләрдән булып, 10 ел элек реконструкцияләгәннәр иде. Аның керү зонасы төзекләндерү таләпләренә җавап бирмәгән – территория озак вакыт уңайсыз һәм куркыныч җәяүлеләр юллары белән зур буш урын булып торган.

Шулай ук укыгыз

Барлык яңалыклар