«Сәнгать төне»нә Казанның Константин Васильев музее да кушылачак

Биредә лекцияләр, мастер-класслар, концерт һәм дизайнер белән очрашу үткәреләчәк.

(Казан шәһәре KZN.RU, 1-нче ноябрь). 3-нче ноябрьдә Казанда узачак «Сәнгать төне» Бөтенроссия акциясенә Константин Васильев музее да кушылачак. Биредә лекцияләр, мастер-класслар, шул исәптән балалар өчен концерт һәм дизайнер белән очрашу үткәреләчәк.

Шулай итеп, 12.00 сәгатьтә үзенчәлекле рәссам эше турында «Илдар Зариповн галәме» лекторие башланачак. 13.00 сәгатьтә легендар иконачы Андрей Рублевның «Троица» иконасына багышланган лекция укыячаклар, 14.00 сәгатьтә татар рәсем сәнгатенә нигез салучы Бакый Урманченың тормышы һәм иҗаты турында сөйләячәкләр, шулай ук «Сагыш» фильмын күрсәтәчәкләр. 15.00 сәгатьтә Константин Васильевның «1941 елның 7-нче ноябрендә Кызыл мәйданда парад турында» «Бер картина тарихы» дигән, Халыклар бердәмлеге көненә багышланган соңгы лекторий башлана.

Шулай ук 15.00 сәгатьтә балалар өчен мастер-класслар башланачак. Музейның яшь кунаклары акварель рәсемен, декоратив рәсемне үзләштерәчәкләр, халык уенчыгы-вертушканы ясаячаклар, сабын кайнатырга өйрәнәчәкләр.

16.00 сәгатьтә ике концерт – классик музыка һәм халык фольклоры концерты башлана.

«Сәнгать төне» дизайнер Анита Грэй белән очрашу белән тәмамланачак, дип хәбәр итәләр «Казан» милли-мәдәни үзәгенең музей комплексында.