Атна ахырына Татарстанда +23 градуска кадәр җылыта

Казанда 29 нчы августта секундына 14 метрга кадәр җил көтелә

Фото: Денис Гордийко

(Казан шәһәре KZN.RU, 28 нче август). Бүген төнлә Казанда болытлы һава торышы булачак, урыны белән бераз яңгыр явар дип көтелә. Һава температурасы +7...+9 градус тәшкил итәчәк. 29 нчы августта көндез явым-төшем көтелми, синоптиклар аязучан болытлы һава торышы вәгъдә итә. Һава +18..+20 градуска кадәр җылыначак. Төнге һәм көндезге сәгатьләрдә җил төньяктан булачак, тизлеге секундына 7-12 метрга, урыны белән секундына 14 метрга кадәр булырга мөмкин.

Татарстанның күпчелек районнарында 29 нчы август төнендә төрле интенсивлыктагы яңгырлар явачак. Көндез явым-төшемнәр башлыча республиканың көнчыгышында булачак. Шулай ук урыны белән көчле төньяк җиле көтелә, тизлеге секундына 17-22 метрга кадәр җитәчәк. Һава температурасы төнлә +5..+10 градуска кадәр төшәчәк, көндез һава +15..+20 градуска кадәр җылыначак.

Төбәктә 30 нчы һәм 31 нче августта көнбатыш антициклон таралачак – бу көннәрдә явым-төшем ихтималлыгы аз. Төнлә һава температурасы +5..+10 градус тәшкил итәчәк, көндез +15..+21 градуска кадәр җылытачак.

Синоптиклар фаразлавынча, 1 нче һәм 2 нче сентябрьдә Татарстанда һава торышы үзгәрмәячәк. Явым-төшем көтелми. Төнлә һава температурасы +7..+12 градус тәшкил итәчәк, көндез һава +18..+23 градуска кадәр җылыначак, дип хәбәр иттеләр ТР Гидрометеорология үзәгендә.

Шулай ук укыгыз

Барлык яңалыклар