Атна ахырына Татарстанда +9 градуска кадәр суыта

Атна ахырына Татарстанда +9 градуска кадәр суыта

<p> </p> <div class="detail-picture"> <img src="https://kzn.ru/upload/iblock/249/DSC_5166-870.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 10 нчы октябрь). Бүген төнлә Казанда төньяк-көнчыгыштан уртача җил булачак, азрак яңгыр көтелә, һава температурасы +6 дан +8 градуска кадәр тәшкил итәчәк. 11 нче октябрьдә республика башкаласында болытлы, явым-төшемсез, җил көнчыгыштан уртача тизлектә булачак. Һава +12 градуска кадәр җылыныр дип фаразлана. <p> </p> <p> Циклон һәм аның атмосфера фронтлары йогынтысында 11 нче октябрьдә Татарстанда урыны белән яңгыр явачак. ТР Гидрометеорология үзәге фаразлавынча, төнлә һава температурасы +8 градуска, көндез +14 градуска кадәр булачак. </p> <p> 12 нче һәм 13 нче октябрьдә республика түбән атмосфера басымы кырында урнашачак – вакыты белән азрак яңгыр көтелә. Төнлә һава +8 градуска кадәр җылыначак, көндез +8-14 градуска кадәр җитәр дип көтелә. </p> Атна ахырына, 14 нче һәм 15 нче октябрьдә, Татарстанда суытачак. Көндез<br> һава температурасы +9 градустан артмаячак, вакыты белән яңгыр көтелә, дип хәбәр<br> итә республиканың Гидрометеорология үзәге.

2022-10-10T16:51:12+0300