Атна ахырына чистарту техникасын җәйге режимга күчерәчәкләр һәм аның санын арттырачаклар

Юлларны юу эшендә бу көннәрдә 65 су сиптерү машинасы һәм 40 вакуум-себерү машинасы эшли.

(Казан шәһәре KZN.RU, 6-нчы апрель, Зилә Гайфи). 1-нче апрельдә Казанда шәһәр территорияләрен чистарту буенча санитар-экологик икеайлык башланды. Юлларны юу эшендә бу көннәрдә 65 су сиптерү машинасы һәм 40 вакуум-себерү машинасы эшли, дип хәбәр итте бүген коронавирус таралуга каршы көрәш буенча штаб утырышында Башкарма комитет җитәкчесе урынбасары - Тышкы төзекләндерү комитеты рәисе Игорь Куляжев.

Аның сүзләренә караганда, атна ахырына кышкы техниканы җәйге режимга тулысынча яңадан җиһазландыру планлаштырыла. «Су сиптерү машиналары саны 110 берәмлеккә кадәр артачак, вакуумлы-себерү машиналары - 70-кә кадәр. Төнлә җир өсте һәм җир асты кичүләрен дезинфекцияләү эше оештырылган. Юллар тотуда мәшгуль булган бөтен персонал шәхси саклану чаралары белән тәэмин ителгән. Саклану контроле оештырылды, хезмәткәрләр тарафыннан профилактик чараларның уздырылуын турыдан-туры предприятие җитәкчеләре һәм заказчылар тикшерә», - дип сөйләде Игорь Куляжев.

Башкарма комитет җитәкчесе урынбасары шулай ук ике айлык үткәрү срокларын үзгәртү планлаштырылмый, ул 31-нче майда тәмамланачак, дип хәбәр итте. 25-нче апрельгә билгеләнгән гомумшәһәр шимбә өмәсенә килгәндә, аны үткәрүнең максатчанлыгы турындагы карар эпидемиологик вәзгыятьтән чыгып кабул ителәчәк.

Казан Мэры Илсур Метшин билгеләп үткәнчә, үз-үзен изоляцияләү режимына карамастан, коммуналь хезмәтләр үз эшләрен дәвам итә: «Шимбә өмәләре буенча ашыкмыйбыз, вакыт бар, карар кабул итәрбез. Хәзер барлык подрядчыларның да урамда эшләү мөмкинлеге бар, автотранспорт агымы комачауламый. Әйдәгез, бу мөмкинлекне кулланыйк һәм апрель ае өчен шәһәрне яхшылап чистартырбыз», - диде Мэр.