Атна ахырына Татарстанда уртача тәүлеклек температуралар нормадан 4-6 градуска артыграк булачак

Атна ахырына Татарстанда уртача тәүлеклек температуралар нормадан 4-6 градуска артыграк булачак

<p> Бу атнада Татарстанда явым-төшемсез җылы һәм коры һава көтелә. </p> <p> Казанда алдагы төндә аз болытлы һәм явым-төшемсез булачак, термометр баганалары +14..+16 градус күрсәтәчәк. Иртән синоптиклар урыны белән томан вәгъдә итә, көндез +27..+29 градуска кадәр җылына. </p> <p> Пәнҗешәмбе көнне, 29 августта, республика белән янәшә атмосфера фронты узачак, әмма шул ук вакытта явым-төшем көтелми. Төнлә температура +10..+15 градуска кадәр төшә. Көндез һава +23..+28 градуска кадәр җылыначак. </p> <p> Җомга көнне, 30 августта, явым-төшем ихтималы зур булмаячак. Төнлә температура +9..+14 градус дәрәҗәсендә булыр дип көтелә, ә көндез – +21..+26 градус. </p> <p> Тәүлеклек уртача температуралар бу чорда нормадан 4-6 градуска артып китәчәк. </p> <p> ТР Гидрометүзәге алдан фаразлаганча, ял көннәрендә көндез термометр баганаларын +20..+25 градуска күрсәтәчәкләр. </p>

2024-08-27T17:45:00+0300