Көндез Казан урамнарын кардан чистартыр өчен 298 махсус техника берәмлеге җәлеп ителгән

518 юл эшчесе эшкә керешкән.

Фото: Денис Гордийко

(Казан шәһәре KZN.RU, 20-нче декабрь). Бүген көндез Казанда урамнарны кардан чистартуга 518 юл эшчесе һәм 298 берәмлек махсус техника, шул исәптән 60 катнаш юл машинасы, 82 трактор щеткасы, 46 фронталь төягеч, 58 үзбушаткыч һәм башка техника чыкты.

Кар чыгару түбәндәге урамнарда гамәлгә ашырылачак: 2 нче Тура, Аграр, Айдаров, Әмирхан, Батурин, Бауман, Беломорск, Большая Красная, Вахитов, Петр Витер, Вишневский, Гарифьянов, Гвардия, Дементьев, Ершов, Зорге, Ипподром, Качалов, Коротченко, Космонавтлар, Кремль, Литвинов, Патрис Лумумба, Магнитогорск, Мәрҗани, Мариуполь, Карл Маркс, Миславский, Каюм Насыйри, Павлов, Павлюхин, Парин, Петербург, Пушкин, Сәетгалиев, Зәйни Солтан, Сыртланова, Татарстан, Ташаяк, Театр, Федосеев, Фукс, Фучик, Химия, Клара Цеткина, Чехов, шулай ук Мамадыш, Оренбург һәм Себер тракты, Ирек мәйданы, Камалиев проспекты.

Бер тәүлек эчендә Казан урамнарыннан 2 мең 130 тонна кар чыгарылган, 408 тонна ком-тоз катнашмасы һәм 409 тонна реагент кулланылган. Кышкы сезон башыннан 77 мең 686 тонна кар чыгарылган.

Исегезгә төшерәбез, Казанда кар чистарту буенча кайнар линияләр эшли. KZN.RU порталында басылган район администрацияләре телефоннары буенча да, «Ачык Казан» сервисы аша да мөрәҗәгать итәргә мөмкин. Рөхсәтсез кар ташлау фактлары турында ТР Экология министрлыгына хәбәр итәргә мөмкин.

Шулай ук укыгыз

Барлык яңалыклар