2024 елга Казанда биологик чистарту корылмаларының ләм кырларын рекультивациялиләр

Эшләр «Экология» илкүләм проектының «Иделне савыктыру» федераль проекты кысаларында башкарылачак.

(Казан шәһәре KZN.RU, 20-нче август, Алена Мирошниченко). Казанның биологик чистарту корылмаларының ләм мәйданчыкларын 2024 елга рекультивацияләү планлаштырыла. Эшләр «Экология» илкүләм проектының «Иделне савыктыру» федераль проекты кысаларында башкарылачак, дип хәбәр итте бүген ТР Министрлар Кабинетында узган брифингта ТР Экология һәм табигать ресурслары министры Александр Шадриков.

«Быел Татарстан Республикасы Фәннәр академиясенең Экология проблемалары һәм җир асты байлыкларыннан файдалану институты белгечләре юынты суларның физик-химик, токсикологик характеристикаларына бәя бирде. ТР Экология һәм табигый байлыклар министрлыгында ләм кырларын рекультивацияләүнең 17 технологиясе каралды. Хәзерге вакытта бүлеп бирелгән участокта ләм утырмасын сүндерелмәгән известь кушылмасы һәм 1,25 мм га кадәрле фракцияле актив цеолит кулланып зарарсызландыру технологиясен апробацияләү алып барыла», - дип сөйләде А.Шадриков.

Билгеләп үтәбез, Иделне савыктыру буенча оештырылган федераль проект кысаларында 2020 елдан елгага яный торган һәм зыян күп итеп җыелган тагы бер объектны – Түбән Кама сусаклагычында Озерный нефть ятмасының кулланылмый торган торбаүткәргечләрен юк итү планлаштырыла.

Шулай ук укыгыз

Барлык яңалыклар