Казаннан Якутскка яңа рейс җибәрәчәкләр

Екатеринбургта тукталыш ясап бару вакыты 7 сәгать 40 минут тәшкил итәчәк.

(Казан шәһәре KZN.RU, 9-нчы сентябрь). Казаннан Якутскка яңа рейс җибәрәчәкләр. Ул атна саен якшәмбе көннәрендә башкарылачак.

Очыш программасы 27-нче октябрьдә старт алыр, дип көтелә. «Якутия» авиакомпаниясенең Боинг 737-700 һава суднолары Екатеринбургта тукталыш ясап, шәһәрләр арасында йөриячәк. Юл вакыты 7 сәгать 40 минут тәшкил итәчәк.

Шулай итеп, Казаннан самолетлар 15.50 сәгатьтә кузгалачак, Екатеринбургка 19.10 сәгатьтә киләчәк, аннан очып китү – 20.35 сәгатькә планлаштырыла. Пассажирлар билгеләнгән пунктка 5.30 сәгатьтә киләчәк, дип хәбәр итә Казан халыкара аэропортының матбугат хезмәте, җәдвәлдә һәр аэропортның җирле вакыты күрсәтелгәнен искәртеп. Моннан тыш, аңа әле үзгәрешләр кертелергә мөмкин.

Шулай ук укыгыз

Барлык яңалыклар