Казаннан Нур-Солтанга яңа туры рейслар эшли башлаячак

Очкычлар якшәмбе көннәрендә оча.

Фото: Марат Мөгыйнов

(Казан шәһәре KZN.RU, 5 нче июль). 17 нче июльдә Казан аэропортыннан Нур-Солтанга яңа туры рейслар эшли башлаячак. Очышлар якшәмбе көннәрендә гамәлдәге җәйге җәдвәл буенча башкарылачак.

Казаннан самолет 19:40 сәгатьтә китә һәм Нур-Солтан аэропортына 1:15 сәгатьтә төшә, кире очыш киләсе көнне, дүшәмбе – 2:05 сәгатьтә, Казанга 1:40 сәгатьтә төшәчәкләр. Һәр аэропорт өчен җирле вакыт күрсәтелгән.

Очышлар Red Wings авиакомпаниясе тарафыннан башкарыла. Маршрутларга 100 пассажир сыйдырышлы SSJ 100 самолетлары җәлеп ителгән, дип хәбәр иттеләр аэропорт матбугат хезмәтендә.

Шулай ук укыгыз

Барлык яңалыклар