В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
05.11.2025, 10:04
Казаннан Рас-әл-Хәймга турыдан-туры даими авиарейслар ачылды
Очышлар җомга көннәрендә башкарыла
Габдулла Тукай исемендәге «Казан» халыкара аэропорты белән Берләшкән Гарәп Әмирлекләренең төньяк әмирлеге санала торган Рас-әл-Хәйм арасында туры авиаэлемтә урнаштырылды. Рейсларга Air Arabia авиакомпаниясе 174 пассажирга исәпләнгән Airbus A320 лайнерларын билгеләгән.
Татарстан башкаласыннан самолет җомга көнне очып китә. «Казан» һава аланыннан очкыч 21:30 сәгатьтә юлга кузгала, әмирлеккә килеп җитү вакыты 20:40 сәгатькә каралган. Юлда очу вакыты биш сәгать чамасы дип фаразлана.
Казаннан Рас-әл-Хәймга билгеләнгән беренче рейска билетлар 95 процент тирәсе сатылган. Тантаналы рәвештә бизәлгән теркәлү зонасында пассажирларга утырту талоннары белән бергә аэропорттан һәм авиакомпаниядән истәлекле бүләкләр тапшырылды, дип хәбәр итә аэропортның матбугат хезмәте.
Исегезгә төшерәбез, Г.Тукай исемендәге «Казан» халыкара аэропорты 2026 елның 28 мартына кадәр кышкы расписание буенча эшләячәк. Киләсе сезонда яңа халыкара һәм эчке рейслар ачылачак.
Шулай ук укыгыз
-
24.11.2025, 17:55 -
24.11.2025, 17:41 -
24.11.2025, 17:20 -
24.11.2025, 17:03