"Чәчәк атучы Казан" нәтиҗәләре: 12 мең кашпо һәм 7 млн чәчәк үсентесе

Татарстан башкаласында чәчәк түтәлләренең гомуми мәйданы быел 58 мең квадрат метр тәшкил итте.

(Казан шәһәре KZN.RU 26-нчы ноябрь, Ксения Швецова). Быел Казан территориясендә утыртылган чәчәкләрнең гомуми мәйданы 58 мең квадрат метр тәшкил иткән, шәһәрдә 12 мең чәчәк вазоны һәм кашпо эленгән, шәһәрне бизәү өчен 7 млн чәчәк үсентесе кулланылган. "Чәчәк атучы Казан" проекты нәтиҗәләре турында бүген эшлекле дүшәмбе киңәшмәсендә Башкарма комитет җитәкчесе урынбасары - Тышкы төзекләндерү комитеты рәисе Игорь Куляжев сөйләде.

Горизонталь чәчәкләрнең тышкы кыяфәте күләмле чәчәк фигураларын көчәйтте, барлыгы 13 күләмле чәчәк, шул исәптән 7 яңа композиция урнаштырылды. Яңа чәчәк объектлары барлыкка килде - берьеллык һәм күпьеллык үсемлекләр утыртып, Вахитов һәйкәле янындагы тау битендә ныгыту һәм яшелләндерү, автоматлаштырылган су сибү системасын урнаштырылды, елга портында 500 квадрат метр мәйданда яруслы чәчәк бәйләме барлыкка килде, дип искәртте И.Куляжев.

"Парклар, скверлар, палисадниклар, ишегаллары, оешмалар һәм предприятиеләр территорияләре башкала халкын һәм кунакларын утыртылган чәчәкләрнең төрлелеге белән кунакчыл каршы алды", - диде спикер һәм бизәлүгә үзләренең фасадларын һәм янәшәсендәге территорияләрне бизәп торучы оешмалар да, шулай ук палисадникларны һәм йорт яны территорияләрен бизәгән торак компанияләр дә зур өлеш кертте, дип өстәде.

"Әкият" курчак театры янында июнь аеннан сентябрь уртасына кадәр узган "Чәчәк фестивале" мәйданчыгы шәһәрнең үзенчәлекле бизәге булды. Фестивальне үткәрү вакыты футбол буенча дөнья чемпионаты белән туры килде, шуның аркасында Мундиаль җанатарлары һәм кунаклары ландшафтчылар иҗатын күрә алдылар.

Ул төрле мастер-класслар, шигъри укулар, шагыйрьләр һәм язучылар белән очрашулар, арт-объектлар булдыру буенча тренинглар, тере музыкаль концертлар һ.б. берләштерде.

Исегезгә төшерәбез, фестиваль нәтиҗәләрен 19 октябрьдә Казан Ратушасында ясадылар, акция җиңүчеләре һәм призерлары шәһәр Мэрының Рәхмәт хатлары, истәлекле бүләкләр һәм акчалата бүләкләр алдылар.