Тикшеренү нәтиҗәләре: россиялеләр татар телендә күбрәк укый башлаган

Тикшеренү нәтиҗәләре: россиялеләр татар телендә күбрәк укый башлаган

<p> </p> <div class="detail-picture"> <img src="/upload/iblock/08a/08a2924856cdb919f9218321cb1c479f.jpg"> <p class="detail-picture__caption"> Фото: Денис Гордийко </p> </div> 2024 ел башыннан Россиядә татар телендәге контентлы порталларга һәм сервисларга юнәлдерелгән дата-трафик 30% ка арткан. Шул ук вакытта кулланучыларның 61 проценты – Татарстанга, ә тагын 39 проценты илнең башка төбәкләрендә яшәүчеләргә туры килә. <p> </p> <p> Мондый сайтлар белән кызыксыну күрсәткече Башкортостан һәм Самара өлкәсе кулланучылары арасында югары. Шулай ук топ-5 составына Мәскәү, Ханты-Мансийск һәм Ульяновск өлкәсе халкы керә. </p> <p> Иң тиз үсә торган категория – татар телендә чыга торган вакытлы басмаларның челтәр мәйданчыклары. Татар телле яңалыклар порталларына керүчеләр, 2023 ел белән чагыштырганда, агымдагы елда мобиль интернет-трафикны 36% ка күбрәк сарыф иткән. </p> <p> Мәскәү, Санкт-Петербург һәм Смоленск өлкәсе кулланучылары балалар контенты, анимацион фильмнар һәм телевизион программалар булган ресурсларга ешрак керәләр. Татарча яңалыклар белән мәгълүмат порталлары Башкортостан, Самара өлкәсе һәм Ханты-Мансийск халкы арасында популяр, дип хәбәр итә ТР Цифрлар министрлыгы матбугат хезмәте «Мегафон» абонентларының мәгълүмат аналитикасына сылтама белән. </p> <br>

2024-04-27T16:56:05+0300