Интерактив урам тамашасы, мастер-класс һәм «Могҗизалар чемоданы» спектакле: 26 нчы декабрьдә Казанда кая барырга була?

Чараларга керү ирекле.

Фото: Казан шәһәре KZN.RU

(Казан шәһәре KZN.RU, 25 нче декабрь). Яңа ел алдыннан Татарстан башкаласында бушлай бәйрәм чаралары дәвам итә. Иртәгә, 26 нчы декабрьдә, Зәйни Солтан урамындагы скверда чыршы шәһәрчеге ачылачак.

Шәһәр халкы һәм кунаклары өчен концерт программасы, «Могҗизалар чемоданы» спектакле һәм призлар уйнатылуы була. 16:00 сәгатьтә башлана, дип хәбәр иттеләр «Иске шәһәр» префектурасында.

Шулай ук бу көнне «Ак чәчәкләр» бульварында 11:15 сәгатьтә «Яңа ел открыткасы» дип аталган мастер-класс, ә 16:00 сәгатьтә Кояшлы микрорайонының Күлбаш һәм Радиальная урамнары киселешендә чыршы янында театральләштерелгән тамаша булачак.

«Добрый Советский» интерактив урам тамашасы берьюлы өч урында узачак: 16:00 сәгатьтә – «Весна» торак комплексындагы бульварда, 17:30 сәгатьтә – «Светлая долина» торак комплексында, 19:00 сәгатьтә – Совет мәйданындагы скверда.

Быел ТР башкаласы халкы һәм кунаклары өчен шәһәрнең 19 иҗтимагый киңлегендә 100 дән артык кышкы бушлай чара әзерләделәр. Бәйрәм программасы гыйнвар уртасына кадәр дәвам итәчәк. Булачак вакыйгалар, чыршы базарлары, шугалак һәм чаңгы трассалары, шулай ук пиротехниканы эшләтеп җибәрү мәйданчыклары турында тулырак мәгълүмат KZN.RU порталындагы махсус бүлектә бастырылды.

Шулай ук укыгыз

Барлык яңалыклар