Интерактив «Тавышсыз аралашу» чарасы һәм ишетү сәләте чикле артистлар чыгышы: «Сәйдәш» мәдәният үзәгендә Халыкара саңгыраулар көнен билгеләп үтәчәкләр

Интерактив «Тавышсыз аралашу» чарасы һәм ишетү сәләте чикле артистлар чыгышы: «Сәйдәш» мәдәният үзәгендә Халыкара саңгыраулар көнен билгеләп үтәчәкләр

<p> 27 сентябрьдә «Сәйдәш» мәдәният үзәгендә Халыкара саңгыраулар көненә багышланган инклюзив чара уздырыла. Бәйрәм мәйданчыгында «Тавышсыз аралашу» интерактивы, ишетү сәләте чикле белгечләр белән очрашу, шулай ук бәйрәм концерты оештырыла. </p> <p> Кичәнең бер үзенчәлеге – ишетү сәләте көчле катнашучылар өчен «Тавышсыз аралашу» чарасы тәкъдим ителәчәк. Ишетүче кунакларга колакчыннар киеп, ишарәләр һәм аралашуның башка ысулларын кулланып, әңгәмәдәше белән тавышсыз гына сөйләшеп карарга кирәк булачак. </p> <p> «Мондый тәҗрибә ишетүче кешеләргә үзләрен саңгырау кеше итеп хис итәргә, ишетмәүченең көндәлек тормышта очрата торган кыенлыклары белән танышырга мөмкинлек бирәчәк», – дип хәбәр итә оештыручылар. </p> <p> Моннан тыш, чарада мастер-класслар, актив уеннар, бүләкләр уйнату каралган. Профессиональ саңгырау белгечләр катнашында ачык очрашу көтелә. Бәйрәм азагында Санкт-Петербургтан килгән саңгырау артистлар чыгыш ясаячак. Тамаша кунаклары бию номерлары, пантомима, ишарәле җырлар һәм уен-көлке белән хозурланачак. </p> <p> Чараны оештыруда ишетү сәләте чикле 30 дан артык волонтер катнашачак. Бәйрәм кичәсе кунакларын сәгать 10:00 дән сәгать 17:00 гә кадәр Ершов урамы, 57а адресы буенча көтәләр. </p> <p> Чара «Бөтенроссия саңгыраулар җәмгыяте» Гомумроссия инвалидлар иҗтимагый оешмасының Татарстан республикасындагы бүлекчәсе тарафыннан оештырыла. </p>

2025-09-22T09:48:02+0300