Казанның 33 нче инклюзив балалар бакчасын Россиядә иң яхшысы дип таныдылар

Конкурста җиңү өчен илнең 57 мәктәпкәчә учреждениесе көрәште

Казанның Идел буе районындагы 33 нче балалар бакчасы «Россиянең иң яхшы инклюзив мәктәбе» XI Бөтенроссия конкурсында беренче урынны алды. Ярышның федераль этабында илнең 67 төбәгеннән 170 мәгариф оешмасы катнашты. Финалга аларның 40ы чыкты – конкурсның дүрт номинациясенең һәркайсында унар.

Казан балалар бакчасы иң яхшы инклюзив мәктәпкәчә учреждение буларак танылды. Барлыгы бу номинациядә 57 оешма катнашты. Мәскәүдә узган конкурс финалында 33 нче балалар бакчасы командасыннан мөдир Людмила Царькова һәм аның урынбасары Нурсөя Ибраһимова чыгыш ясады. Алар «Без янәшә!» гаилә остазлык клубы проектын тәкъдир иттеләр һәм якладылар, ул сәламәтлек мөмкинлекләре чикләнгән балалы гаиләләргә ярдәм һәм аларның уңайлыклары өчен кулай шартлар тудыруны күздә тота.

Конкурс 11 нче тапкыр үткәрелде. Оештыручы — РФ Мәгариф министрлыгы, дип хәбәр иттеләр шәһәрнең мәгариф идарәсендә.

Моннан алдан Казанда шәһәр гранты конкурсына йомгак ясалды. 78 нче «Фарватер» лицее инклюзив белем бирү өлкәсендә иң яхшы мәктәп дип танылды, ә балалар бакчалары арасында гран-прины 101 нче бакча яулады.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар