Казанның «Э-моция» студиясенең кием-салым инклюзив коллекциясе X халыкара мода фестивалендә иң яхшысы дип табылды

Казанның «Э-моция» студиясенең кием-салым инклюзив коллекциясе X халыкара мода фестивалендә иң яхшысы дип табылды

<p> </p> <div class="detail-picture"> <img src="https://kzn.ru/upload/iblock/4ea/KZN-23051622-870.jpg"> <p class="detail-picture__caption"> Фото: «Э-моция» иҗади инклюзив студиясе </p> </div> <p> </p> <p> (Казан шәһәре KZN.RU, 23 нче май). 21 нче һәм 22 нче майда Тула шәһәрендә узган Fashion Style X халыкара мода һәм матурлык фестивалендә «Иске Казан әкиятләре» кием, аяк киеме һәм аксессуарлар инклюзив коллекциясе иң яхшысы дип табылды. Проект «Э-моция» иҗат инклюзив студиясе тарафыннан Президент грантлары фонды ярдәмендә тормышка ашырылды. Коллекция конкурста тәкъдим ителгән 65 кеше арасында бердәнбер инклюзив иде. </p> <p> Традицион татар костюмы, аны заманчалаштыру коллекциянең сәнгать нигезе булды. Конкурс өчен киез басу ысулы белән ясалган кием, аяк киеме һәм аксессуарларның 10 ансамбле әзерләнгән иде. Коллекциядә киездән ясалган кием һәм аяк киеме ясауның борынгы традицияләре һәм заманча материаллар тупланган. Моннан тыш, орнаментлар һәм фактуралар ясау өчен ефәк һәм вискоза кулланылган, эшләнмәләр кул белән буялган, дип сөйләделәр «Э-моция» иҗади инклюзив студиясендә. </p> <p> Проект кысаларында киез басу остаханәсендә инвалидлыгы булган 20 кеше белем алган, 5 се проектта эшкә урнаштырылган. Тулада узган фестивальдә «Э-моция»дә катнашучылар модельләр буларак та чыгыш ясаган. </p>

2022-05-23T16:39:22+0300