Казан тукталышларындагы мәгълүмати таблолар электр утын өзү сәбәпле эшләми

Пландагы ремонт эшләре 13-нчы август 20.00 сәгатькә кадәр дәвам итәчәк.

(Казан шәһәре KZN.RU, 13-нче август). Казанда җәмәгать транспорты тукталышларында урнаштырылган мәгълүмати таблолар электр утын планлы рәвештә өзеп тору сәбәпле эшләми.

Шәһәрнең Транспорт комитеты хәбәр иткәнчә, подстанцияләрдә электр уты 13-нче август 7.00 сәгатьтән 20.00 сәгатькә кадәр сүндерелгән. Шул сәбәпле АСУ-Т (Диспетчер идарәсенең автоматлаштырылган системасы һәм Казанның пассажир транспортының куркынычсыз эшләвен тәэмин итү) эше туктатылган, транспортның кайсы вакытка килү фаразын мәгълүмати таблода чагылдыру мөмкин түгел.

Шулай ук укыгыз

Барлык яңалыклар