«Россия ел укытучысы-2019» исемен 4 октябрьдә Мәскәүдә игълан итәчәкләр

Дәгъвачыларның берсе – Казанның 2-нче лицей-интернатының биология укытучысы Наил Мирсәитов.

(Казан шәһәре KZN.RU, 29-нчы апрель). «Россия ел укытучысы-2019» бөтенроссия конкурсының йомгаклау этабы җиңүчесен 4-нче октябрьдә Мәскәү Дәүләт Кремль сараенда игълан итәчәкләр. Дәгъвачыларның берсе – һөнәри ярышларның шәһәр һәм республика этаплары җиңүчесе, Казан шәһәре Мәскәү районының 2-нче лицей-интернатының биология укытучысы Наил Мирсәитов.

ТР Мәгариф һәм фән министрлыгы сайтында хәбәр ителгәнчә, конкурсның башлангыч семинары Мәскәүдә 1-нче июльдән 5-нче июльгә кадәр узачак. 21-нче сентябрьдә Грозный шәһәрендә оештыру-методик семинар оештырыла, ә 22-нче сентябрьдә Бөтенроссия конкурсының йомгаклау этабына тантаналы старт биреләчәк.

Беренче турда, 23-28 сентябрьдә, конкурсның 15 лауреаты билгеләнәчәк. Икенче тур 29-30 сентябрьдә узачак, аның нәтиҗәләре буенча 1-нче октябрьдә Грозный шәһәрендә биш призер исемен игълан итәчәкләр. Бары тик алар гына 3-нче октябрьдә Мәскәүдә үтәчәк өченче турга уза алачак. Аның нәтиҗәләре буенча казыйлар җиңүчене билгеләячәк, ә 4-нче октябрьдә Дәүләт Кремль сараенда «Россия ел укытучысы» бөтенроссия конкурсын ябу тантанасы була.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар