Илсур Метшин: «Медицинага һәм кешеләргә ярдәм итүгә багышланган тормыш – үзенчәлекле юл ул»

Илсур Метшин: «Медицинага һәм кешеләргә ярдәм итүгә багышланган тормыш – үзенчәлекле юл ул»

<p> Казан мэры Илсур Метшин медицина хезмәткәрләрен һөнәри бәйрәмнәре белән котлады. Россиядә медицина хезмәткәре көнен җәйнең беренче аеның өченче якшәмбесендә билгеләп үтәләр, ул быел 15 июньгә туры килде. </p> <p> «Башкалабызның барлык медицина хезмәткәрләрен һөнәри бәйрәмнәре белән котлыйсым килә. Кичә медицина хезмәткәре көне билгеләп үтелде. Медицинага һәм кешеләргә ярдәм итүгә багышланган тормыш – үзенчәлекле юл ул. Һәркем дә бу һөнәр буенча эшли алмый, моңа сәләтле булырга кирәк. Зур белем багажыннан тыш, фидакарьлек һәм киң күңеллелек кирәк», – диде Илсур Метшин. </p> <p> «Бүген Казан табибларының эш шартлары тамырдан үзгәрүенә без бик шат. Татарстан рәисе Рөстәм Нургали улы Миңнехановка шәһәрнең, республиканың әйдәп баручы медицина учреждениеләренең материаль-техник базасы системалы рәвештә яңартылуы өчен рәхмәт. Яңа поликлиникалар, зур хастаханәләр һәм госпитальләр төзелә. Алга таба да моңа аерым игътибар бирәчәкбез», – диде шәһәр башлыгы. </p> <p> Билгеләп үтәргә кирәк, быел шәһәрдә өч яңа сәламәтлек саклау объекты барлыкка киләчәк. «Весна» торак комплексында өлкәннәр поликлиникасы, «Волжские Просторы» торак комплексында балалар поликлиникасы, ә Идел буе районының Вишневка бистәсендә табиб амбулаториясе төзеләчәк. </p>

2025-06-16T13:35:00+0300