Илсур Метшин Көньяк-Сахалин Мэры Сергей Надсадин белән очрашты

Ике шәһәр башлыгы хезмәттәшлек перспективалары турында фикер алыштылар.

Фото: Денис Гордийко

(Казан шәһәре KZN.RU, 13-нче октябрь). Казан Мэры Илсур Метшин Көньяк Сахалин мэры Сергей Надсадин белән очрашты. Шәһәр башлыклары төрле өлкәләрдә хезмәттәшлек перспективалары турында фикер алыштылар. Очрашу кичә Татарстан башкаласының Башкарма комитетында узды.

Сергей Надсадин Казан Мэрына җылы кабул итүләре өчен рәхмәт белдерде. Үз чиратында И.Метшин Казан һәм Көньяк Сахалин социаль-икътисади үсеше өчен мөһим булган уртак проектларны тормышка ашыру һәм нәтиҗәле хезмәттәшлеккә ышаныч белдерде.

Очрашуда шулай ук Казан муниципаль берәмлеге башлыгы урынбасары Евгения Лодвигова, Көньяк-Сахалинның беренче вице-мэры Андрей Ковальчук катнашты.

Белешмә өчен

200 меңнән артык кеше яшәгән Көньяк-Сахалин Россиянең Ерак Көнчыгышында урнашкан. Сахалин өлкәсенең административ үзәге һәм шәһәр округы статусындагы төбәк әһәмиятенә ия муниципаль берәмлек үзәге булып тора. Нефть һәм газ чыгару, шулай ук аларны эшкәртү төбәк икътисадының мөһим өлешеннән санала. Моннан тыш, Көньяк Сахалин Сахалин утравының төбәк әһәмиятендәге автомобиль юллары кисешкән зур транспорт төене булып тора, тимер юл станциясе һәм аэропорт бар.

Шулай ук укыгыз

Барлык яңалыклар